海港燒鵝海鮮酒家 (Closed)

三點幾打電話去訂位,點知已經full咗,叫我哋walkin。好彩得閒,六點半上到去都無咩人。見到人哋叫龍躉兩味都幾靚仔,跟佢叫~龍躉兩味:原本個名唔記得,返正一個清蒸,一個油泡再炒球清蒸嗰個有啲過火,油泡嗰個,啲豆有小小多油。不過都唔太覺。勝在份量夠多,$198抵食!另外叫咗燒鵝皇例牌 :皮脆肉嫩, 肥廋適中,連個燒鵝汁都好味蒜蓉蒸蟶子:正常嘢~$22隻,最少叫兩隻,叫咗兩隻,咁知得一隻,叫個伙計嚟理論下,見啲伙計欲言又止都幾好笑,不過最後都補返,算數~ 鮮蟹肉脆茄子,佢將個茄子炸咗,再淋上用蟹肉煮嘅玻璃茨, 唔算多油依個幾好食。4個人埋單四百幾,都幾抵食!不過食完就起多人等位了。