麥當勞

Open Now

Now Closed

個肚繼續唔聽話，唯有食番D清淡嘅嘢做早餐，已經食咗幾日粥，食到口都淡晒，又唔想食公仔麵、餐肉、腸仔、煎蛋咁肥膩嘅嘢，正在煩惱之際，突然見到老麥個招牌，咁就有計。叫咗個煙肉蛋漢堡($8)再加即磨咖啡($7)，麥記D煙肉其實同火腿差唔多，一D都唔肥，而D蛋亦好健康，成個飽都無乜油。雖然係人都知快餐店食物反式脂肪好勁，但係只要識得揀，唔好食D煎炸嘢，其實都可以食得健康。仲有杯咖啡都唔差又好抵飲，有好多人入嚟淨係飲杯咖啡咋。朝早嘅麥記好清靜，人又唔多，個個都係響度睇報纸，反而個Mac Channel嘈喧巴閉大殺風景。