君豪食軒

Open Now

Now Closed

星期天，去左行九龍水塘一帶，係梨木樹落山。好肚餓，去左商場搵餐廳食個ｔｅａ。結果搵左呢間君豪食軒既茶記。岩岩好２點半可以叫下午茶，同內子一人一份，我叫左星州炒米，內子叫馬來西亞咖哩牛腩麵。星州炒米，就麻麻地啦，首先唔算好熱，即係炒完擺左一陣。其次，Ｄ米粉痴埋一舊舊，即係代表炒得唔夠散，功力唔夠或ｈｅａ炒。第三，唔係條條米炒都變黃色，即係明顯求其炒兩下。至於咖哩牛腩，就牛腩數量多，唔算太肥，咖哩都唔算好辣，但呢種辣係真正馬拉既咖哩辣，呢個係有驚喜。仲有幾件薯仔，都幾得意。下午茶，大約４０蚊，星米就４２蚊，凍飲加２蚊。價錢都抵。食物質素都合格。可以值得黎嘆ｔｅａ