美國燒扒屋 (Closed)

尋日同男友行完山，又攰又餓，本身諗住食陳_記，但又係多人到爆。 去到禾輋商場，見到呢間，有鐵板燒，望落ok 入咗去食。 坐底叫咗嘢食先再 open rice下，發現喊多過笑，心感不妙。 不過都坐底又叫咗嘢食，都照食架要，都唔係咁差啫。幾位侍應都好後生。 坐低無耐，我將d 刀叉擺晒落一杯熱水到浸一浸，點知重得濟，將成杯水倒瀉咗。 無發生要自己出去拎布抹嘅情景，侍應都好幫手咁拎布黎抹，都無黑我面，之後都有再"針" 多杯水俾我地。嘢食都好快黎，我叫咗雜扒餐加蒜蓉汁，正正常常啦，不過d 菜配料係凍架，d 汁睇落唔吸引，好似d 嘔吐物咁，不過食落 ok架。