泰巷 (Closed)

一清早人在荃灣搵食，荃灣好多野食，但好多都係小巷，人生路不熟，入去既個商場，見座位八成滿，都應該唔會差得去邊。呢度有選擇唔少，有泰式早餐同西式，左睇右睇，都係想食下吉列魚柳！打開Openrice…..真係劣評如潮，心諗都係凍同水，好彩只係食個早餐！吉列魚柳配炒嫩蛋燕麥厚多士....好快有得食，賣相還可以，菜係少左D，魚柳夠大塊，先食一口最想食既魚柳，比起出面D薄到好似張紙既好好多，佢都好厚身，係一般冰櫃龍利柳既厚度，無再片，新鮮炸起，不過就完全無調味，只差一步，可惜！炒蛋雖然有蛋汁，但係熟果部份就好熟，估計都係就咁放係鍋度無點炒過，又係可惜。燕麥厚多士夠厚身，烘得香口，上埋牛油，正！其它就無咩好寫…咁既價錢，係商場入面，坐得舒舒服服，都係合理，食物水準無想像中咁差，執番身彩！