沙嗲王 (眾安街) (Closed)

間野啲嘢食，先唔講味精重，佢用嘅料，同件食物嘅價錢，完全唔相符。佢嘅炒飯，啲米好似用碎米咁，近乎冇一粒飯係完整嘅，都唔知係咪因為為咗賺錢而買廉價碎米。再者，我都唔明點解啲食評話啲嘢平，我一見到個餐牌，最平嗰飯都好似50幾蚊，仲要係唔飽，我食完一次真係唔會再食。仲有一樣，呢樣可能係我有偏見，我唔知呢一間鋪頭用嘅椰菜係邊度黎，但係我覺得椰菜係一種好廉價嘅菜，我一見到碟飯係用椰菜，個一下真係勁想講粗口。我除咗話呢一間係一間好識賺錢嘅餐廳之外，我都唔知仲有咩好講。