Video
Read full review
2010-08-02
24 views
城市打工仔日忙之忙，食飯時間又短，只可以係最近既食肆度素$，並以極速鯨呑所有食物落肚，無選擇餘地 ~ 今次又要表演五分鐘令整碟飯消失得無影無踪 ﹗近來幫襯返依間燒味，發現佢地啲質數好唔穩定，時好時壞，而且原來係無習慣加甜豉油架，叉燒除外 ~ 服務一般燒味店範籌啦，坐位空間略細，都坐得幾辛苦。見好多食客都係大陸自由行 ~切雞髀叉燒飯，真係真係最好食今次，叉燒半肥瘦、軟棉棉得黎有趙口，蜜甜齒夾留香，邊位少少燶，食落好香口。切雞好 fit 無多餘肥膏，食落又滑，雞味又濃。白飯今次好乾爽，佔上少許蜜汁叉燒汁撈勻食好好味 ﹗雙髀飯，切雞髀及燒鵝髀。燒鵝髀太過肥，啲肥膏一舊舊，真係頂唔住，要咬出黎。皮唔夠緊緻、偏油。肉真係非常嫰滑，但騷味太重。雞髀今次較為靭，都算滑，雞味重，肥瘦適中。白飯好濕好黏，無飯香。四寶飯，未試過比啲咁差既送，全豬宴 ﹗紅腸、燒肉、燒排骨、咸蛋。火火火 ﹗咸蛋乾爭爭，無黃油，咸香不足，同上次完全唔同。燒排骨無肉食，真係得棚骨，口感好 dry 又乾。燒肉層皮好滿意，係化皮脆卜卜，但太多肥膏，肉同脂肪比例唔平均。紅腸，大路偏咸啦。白飯都係過濕同埋黏口，無加燒味汁，唔好食。油雞髀
近來幫襯返依間燒味，發現佢地啲質數好唔穩定，時好時壞，而且原來係無習慣加甜豉油架，叉燒除外 ~ 服務一般燒味店範籌啦，坐位空間略細，都坐得幾辛苦。見好多食客都係大陸自由行 ~
切雞髀叉燒飯，真係真係最好食今次，叉燒半肥瘦、軟棉棉得黎有趙口，蜜甜齒夾留香，邊位少少燶，食落好香口。切雞好 fit 無多餘肥膏，食落又滑，雞味又濃。白飯今次好乾爽，佔上少許蜜汁叉燒汁撈勻食好好味 ﹗
雙髀飯，切雞髀及燒鵝髀。燒鵝髀太過肥，啲肥膏一舊舊，真係頂唔住，要咬出黎。皮唔夠緊緻、偏油。肉真係非常嫰滑，但騷味太重。雞髀今次較為靭，都算滑，雞味重，肥瘦適中。白飯好濕好黏，無飯香。
四寶飯，未試過比啲咁差既送，全豬宴 ﹗紅腸、燒肉、燒排骨、咸蛋。火火火 ﹗咸蛋乾爭爭，無黃油，咸香不足，同上次完全唔同。燒排骨無肉食，真係得棚骨，口感好 dry 又乾。燒肉層皮好滿意，係化皮脆卜卜，但太多肥膏，肉同脂肪比例唔平均。紅腸，大路偏咸啦。白飯都係過濕同埋黏口，無加燒味汁，唔好食。
油雞髀乳豬飯，乳豬皮都好脆，但得層皮黏住舊肥膏，唔係黏住啲肉，唔多啱我口味，而且份量略少。油雞甜甜地，無咩特別，好正常地普通。飯無加燒味汁，唔好食，而且口感幾爛。
Post
