Cafe 1950歐陸餐廳 (Closed)

見平時都係我住屯門既男朋友就我出黎九龍食野多，今晚佢話想試下呢間，結果就入左屯門食cafe 1950. 去到人流唔少，都要等左陣先有位。 我地叫左 法式寶雲酥焗芥醬羊仔架 同 芝士汁煙三文魚黑魚籽蟹籽意粉。 我個意粉幾有口感，同啲配菜既味道都幾夾，唯獨係鍾意多汁既我嫌唔夠多汁同唔夠濃味：P 另外我都有試個羊仔架，賣相唔錯, 食落幾嫩口，仲有上面既麵包糠令到個羊肉更有口感同香脆，當然唔少得配埋味道不俗既香草汁啦。 下次再食都會再叫呢個！整體而言都幾滿意，價格合理，試意推介比入開屯門區同住附近既朋友！