芒果王 (Closed)

環境方面，對住一大片空地同埋對面係天后廟，鋪頭出面有幾張枱同凳既，都見有唔少踩單車既人黎食架。但排隊實在排得有啲耐，排左足足三個字先到我地，因為芒果糯米糍係即製，而且前面啲人係買好多返去。咁我地就買左芒果布丁同芒果糯米糍，一啲即食，一啲外賣走。芒果布丁有得加花奶，由店家幫我地加，當然加得唔多啦，唔夠喉呀！而且質素普通，唔多提。芒果糯米糍就啲芒果大舊、甜，皮薄、少粉。溫馨提示係唔好咁遲先食，否則啲皮會痴住哂個盒同啲紙巾(因為少粉)。