一葉小廚 (Closed)

果一晚同男朋友同埋佢既朋友一齊係粉嶺食，食完就上佢地屋企打機😂但粉嶺呢⋯⋯眾所周知，都係得大型連鎖店，除非出聯和墟啦，但又太遠😂所以就近近地去左祥華村商場。平時唔多食太濃味既我，就叫左個紅燒牛肉麵，牛肉都幾腍既，湯都算唔錯。面條方面，因為平時食開茶X既牛肉面面條，就覺呢間店既面條就普普通通了。之後都有試男朋友既三杯雞飯，比想像中既仲要好味！唔算太辣，但都幾香口，三色椒就更加開胃，比牛肉面更好食！埋單一個人都係$60-$70，仲有野飲，所以晚市黎講都真係唔算太貴。