泰道 (Closed)

西貢"泰道" 泰國菜，見以往的口碑唔錯， 所以就去試一試。揸車的朋友可以泊海灣顧客停車場，消費有免費泊車的。夜晚的環境的確唔錯，餐廳本身並不算太大，露天的座位就比較多，發覺大部分顧客都喜歡坐露天，當天的天氣可能比較清涼乾爽。餐牌好大本，全部都有彩圖，非常好十分清楚😏。珍多冰好飲，不會太甜，亦不會太重椰子味。有幾片大樹菠蘿好香👍椰青很大個，亦很清甜，而且啲椰肉都可以用匙羹刮出嚟食，很嫩。柚子沙律， 啲柚子肉一嚿一嚿，沒有整碎的，似食生果多過食沙律😬。味道還ok。有些少醬汁在底部，要撈一撈才食會比較好，否則食到底部的時候會好重醬汁味。這款雞中翼完全零分，垃圾級別👎👎。 炸到好乾，完全沒有香茅味，全靠碟泰式醬料，否則可以掉咗佢，快餐店的炸雞比佢還好食。沒有鹹魚味的鹹魚炒芥蘭😑😑， 芥蘭還好，比較嫩。酸辣青檸明爐魚一般一般，烏頭魚好大條，酸辣味ok，魚面好多粉絲。基本上見到枱枱都有人食這款明爐魚。價錢是偏貴的，而品質方面又麻麻地，有時貴少少都唔係問題，最緊要啲嘢好食。 所以都係試一次咁多，沒有下次。