原藝 (Moved) New Location

之前睇飲食男女介紹，話太子附近有間食法包嘅小店，星期六就同小寶仔去試吓。小店只有六個位，大概一點半d時間，餐廳入面有兩位食客，好彩唔駛等位。Menu 好簡單：我們一個order 左set lunch，前菜有油封番茄及主菜大蝦黑松露意大利飯。另外就order 左日本帶子翠玉冷面（前菜）及法式鹹泡芙配安格斯漢堡。兩個前菜我都覺得麻麻地，個油封番茄酸到我食唔到，好似食緊一粒好酸好酸嘅酸梅。另外帶子冷麵唔特別同埋唔夠凍。之後個法式泡芙，呢個就喜出望外，個泡芙好鬆化，個安格斯漢堡好juicy，所以完全唔需要有任何醬汁，呢個可以再encore。最後到意大利飯，個飯一到，黑松露味好香，食落口反而個黑松露味唔夠，而個大蝦就唔錯，啲肉好實好彈！整體味道來說，只有法式泡芙最出色，不過由於會多啲支持小店，我下次都會再嚟食個包或者可以試吓串燒嘅。