大滿足 (Closed)

去開葵涌廣場嘅大家都應該會知道，呢度完全係掃街天堂，好少人會揀坐定定食嘢，邊行邊食先係王道。今次要推介呢間叫大滿足嘅壽司店，好多人都推介過佢嘅玉子燒我就唔多講啦。今次試呢個只係30幾蚊嘅大滿足，睇吓食完係咪真係咁滿足。有幾個座位，不過呢度比較自助，豉油都係自己落，所以搞到啲枱都幾污糟，希望大家可以做返個有公德心嘅食客。主角來了，唔好睇佢好似細細份，其實佢係整實咗，拆開係有好多魚生。但係得一嚿海膽就有少少失望囉，不過$32咁多魚生仲想點。應該係加拿大海膽，食起上嚟唔腥。魚生有好多款，我已經數唔到啦，三文魚，吞拿魚，油甘魚，帶子，象拔蚌，蟹籽，仲有一款唔知係咩嚟。下面有啲壽司飯，唔大食嘅話，都應該可以當一餐，下次會再嚟試吓佢個軟殼蟹手卷同半版海膽手卷。