大山拉麵 (Closed)

元朗教育路一向都係食店林立，但係強烈競爭下要做得住，往往都係相當難，作為住係元朗街坊，見證到好多餐廳又開又結業離場好似今次介紹呢間以日式拉麵為主打既餐廳，見到佢只係新開業唔係好耐，於是就行入去試下啦店內裝修就無乜特別，但乾淨企理整齊，可能岩岩新開張唔係好耐，餐牌上選擇唔係好多，落單就係以自助形式，自己係餐牌上剔出你想要既野，拉麵仲可以自選麵身既軟硬程度，仲有要唔要蔥，最後我揀左個燒牛肉拉麵落完單好快就送上，一送上第一眼望落賣相唔錯，仲有牛肉既份量都唔算小，全部都係大大片，牛肉食落唔韌，咬落尚算嫩清，至於麵身就軟硬適中，係略嫌湯底味道偏淡整體來講算係唔錯，下次會再試下其他