滾火鍋 (Closed)

朋友食過介紹叫我去試下，我地一行四人叫左兩個湯底－四川麻辣鍋＆清湯豆腐鍋。四川麻辣鍋湯底唔會太濃味或者太辣，唔太特別；清湯豆腐鍋比想像中清甜，令食材倍增一份清甜。餐前餐廳好貼心為每位客人送上一杯開胃小飲品，而餐廳既環境都好清潔舒服。系店員極力推介下叫左條多利魚刺身，本身對刺身魚都唔大興趣，不過今次就試下新野～估唔到都幾好食，一點腥味都無，仲有點爽口鮮甜。而佢地既蝦都好新鮮，肉質偏實、彈牙、鮮甜。手打四寶丸有墨魚丸、蝦丸、豬肉丸、鯪魚丸，每款有兩粒，咬落都彈牙。另外，手切肥牛都好唔錯，肉質新鮮好香牛味，油花分佈都好均勻。炸午餐肉香口得黎又唔會好咸，味道適中。最近就係西班牙黑毛豬，個人唔太好豬肉，覺得無咩特別～