惠比壽居食屋 (Closed)

　　母親節的晏晝去食飯，12 點幾1 點，都唔係好多人，等5 分鐘就有位。食物一般，好就好在星期日都有set lunch ，好多款可以揀。　　燒雞扒定食$48，例牌有飯、麵鼓湯、生果，仲有一個牛油金菇。雞扒幾好食，外皮燒得好香脆；但牛油金菇就不敢恭維，都唔知食緊乜；麵豉湯亦好一般。個餐加$20 就有一客三文魚刺身，一客4 塊，但質素麻麻，食唔出有三文魚味。　　九州拉麵餐同海鮮拉麵餐(各$4X )，有一碗拉麵加一客4 件雜錦壽司。拉麵唔係好大，味道一般，壽司o既飯竟然「生米」。不過算啦，o係屯門o黎講，有D 咁o既o野食都ok 啦。