Video
Read full review
2021-07-28
925 views
見新開就嚟試下，見到清一色服務負評都難以置信。原來！佢地真係值得擁有服務負評！2個人去飲餐早茶，就係門口禁飛攞籌。2個人就係A飛，3-4人就係B飛。知客一路都係叫B飛入去，從來無叫過A飛。期間聽到知客話：「2個人搭枱即刻可以入」但係，成間酒樓一塊防疫板都無，點叫人放心搭枱呀唯有一路等，一路等，一路等。等左好耐啦，咁就去問下知客，點解A飛一路都無叫過號既？知客既回應就係：「你搭枱即有位，唔搭就等啦。」喱個時候，有個女士拎B飛3個人，知客就即刻放佢入去坐。喱一刻真係忍唔住啦！再問多次知客，「點解人地一黎就可以入座？2個人既就一直唔叫飛？」知客用勁差態度回應：「公司政策，我都無辦法，一係你搭枱，一係你比3人茶位我咪即比你入囉。」果下真係恍然大悟！ 原來～ 唔係無位，只係歧視2人。 再問知客，點解要人搭枱又唔擺防疫板，佢都係回應：「公司政策。」終於可以入座啦，又無人帶位，要食客自己去搵枱號成間酒樓咁大，點知張枱係邊呀？除左茶錢，仲好意思收加一服務費。 呸！搵枱既過程，望左一望成間酒樓，原來2人枱同3-4人枱都係同一張枱，2人枱就方形，3-4人枱就係4邊開返摺位變圓形。開2人枱既數少之又少，數落
見到清一色服務負評都難以置信。
原來！佢地真係值得擁有服務負評！
2個人去飲餐早茶，就係門口禁飛攞籌。
2個人就係A飛，3-4人就係B飛。
知客一路都係叫B飛入去，從來無叫過A飛。
期間聽到知客話：「2個人搭枱即刻可以入」
但係，成間酒樓一塊防疫板都無，點叫人放心搭枱呀
唯有一路等，一路等，一路等。
等左好耐啦，
咁就去問下知客，點解A飛一路都無叫過號既？
知客既回應就係：「你搭枱即有位，唔搭就等啦。」
喱個時候，有個女士拎B飛3個人，
知客就即刻放佢入去坐。
喱一刻真係忍唔住啦！
再問多次知客，「點解人地一黎就可以入座？
2個人既就一直唔叫飛？」
知客用勁差態度回應：「公司政策，我都無辦法，一係你搭枱，一係你比3人茶位我咪即比你入囉。」
果下真係恍然大悟！
原來～ 唔係無位，只係歧視2人。
再問知客，點解要人搭枱又唔擺防疫板，
佢都係回應：「公司政策。」
終於可以入座啦，又無人帶位，
要食客自己去搵枱號
成間酒樓咁大，點知張枱係邊呀？
除左茶錢，仲好意思收加一服務費。 呸！
搵枱既過程，望左一望成間酒樓，
原來2人枱同3-4人枱都係同一張枱，
2人枱就方形，3-4人枱就係4邊開返摺位變圓形。
開2人枱既數少之又少，數落10張都無。
睇黎真係鄙視2人喎
真係有心做好生意既，
2人枱同3-4人枱既比例會唔會好少少呢？
依家個比例似係 1:10喎。
3人以上話入就入，
2個人就係出邊無了期咁等。
食物質素正正常常，但咁既服務態度，
只會blacklist無下次
Post