Neighbor (Closed)

早幾日契妹上黎屋企拜年時，由於細佬忙於喺四方城決戰，結果搞到佢都忘記代其父母派紅包，所以週三晚就約咗出黎食飯，俾多次機會契哥逗利是。新年期間，真係食糕食到大家都有啲驚，兩口子就決定喺銅鑼灣新店「Neighbor」度食意大利餐。食店地下o既石壁門面看似冷酷細少，但用餐區域原來藏於上層。樓梯間以的骰o既小盆栽點綴，感覺輕鬆隨意。上到二樓即被大自然o既氣息包圍，牆上o既綠葉鮮美逼真，配上半梳化式o既木造枱櫈，觀感上都好溫暖。小肥早到，埋位後就一邊飲水，一邊研究兩頁餐牌。翻開餐牌背頁，即發現「Nice to MEAT you」字句，睇黎新搬黎o既美藉鄰居「Neighbor」乃幽默之人，XO仔都好膠興認識你哦！小弟數學成績唔叻，不過加減都還可以，眼見晚市套餐由$168起，包凱撒沙律（單點$52）、定價錢o既主菜（最平o既意大利飯單點$118）、甜品、及餐湯或咖啡或茶，粗略估計淨係沙律同主菜都經已值回票價，咁唔洗多諗就梗係叫個餐黎食啦！點菜時跟哥哥仔解釋自己對某幾款海鮮敏感，主菜方面想由「千島海鮮薄餅」改為「夏威夷薄餅」，意外地佢好爽快地答允，不過就講明價錢唔會因此而調低，咁都好合理。凱撒沙律：凱