Video
Read full review
2021-06-19
187 views
今日去開沙田圍打波，想睇吓附近有冇嘢飲。就搵到呢一間喺河畔花園既舖頭！👍🏻豆味芝士奶蓋豆乳茶完完全全被上面粒白玉吸引，奶蓋厚厚嘅一層，飲落芝士味都幾重而且相對杰身。茶底比較特別，有少少似 豆漿（外賣雖然有少少唔環保，不過佢將白玉分開，到想飲嘅時候加落去）👍🏻多芒楊枝甘露/多芒小丸子兩個芒果系列都好出色，淡淡芒果香，仲有好多水仙芒果肉，楊枝甘露唔少得嘅柚子粒份量好多，爽甜清新。而且小丸子都好煙韌，應該有浸過糖水，食落就會比較甜。👍🏻黑糖珍珠豆花叫咗個熱嘅（返到屋企攤一攤放入雪櫃）豆花每一片都厚身，食落口都叫做滑！珍珠大小均一，黑糖味都夠出，屬於唔係好甜嘅甜品！👍🏻芋圓仙草紅豆布丁豆花有得自己揀三款，不過好想試埋個布丁。芋圓比一般大粒，芋頭同番薯味都比較淡，但係都食到芋頭粒！仙草好滑，亦都有少少藥材味道。紅豆煮得夠淋，布丁有蛋香！超多配料，其實兩個人食都可以！！👍🏻👍🏻小店好有人情味，上一個顧客差少少錢阿姐叫仲叫佢下次先俾～
👍🏻豆味芝士奶蓋豆乳茶
完完全全被上面粒白玉吸引，奶蓋厚厚嘅一層，飲落芝士味都幾重而且相對杰身。茶底比較特別，有少少似 豆漿（外賣雖然有少少唔環保，不過佢將白玉分開，到想飲嘅時候加落去）
👍🏻多芒楊枝甘露/多芒小丸子
兩個芒果系列都好出色，淡淡芒果香，仲有好多水仙芒果肉，楊枝甘露唔少得嘅柚子粒份量好多，爽甜清新。而且小丸子都好煙韌，應該有浸過糖水，食落就會比較甜。
👍🏻黑糖珍珠豆花
叫咗個熱嘅（返到屋企攤一攤放入雪櫃）豆花每一片都厚身，食落口都叫做滑！珍珠大小均一，黑糖味都夠出，屬於唔係好甜嘅甜品！
👍🏻芋圓仙草紅豆布丁豆花
有得自己揀三款，不過好想試埋個布丁。芋圓比一般大粒，芋頭同番薯味都比較淡，但係都食到芋頭粒！仙草好滑，亦都有少少藥材味道。紅豆煮得夠淋，布丁有蛋香！超多配料，其實兩個人食都可以！！
👍🏻👍🏻小店好有人情味，上一個顧客差少少錢阿姐叫仲叫佢下次先俾～
Post
