京林屋 (Closed)

食完lunch落左去商場附近食甜品，好彩係lunch hour 唔洗排隊。草莓系列係element分店先有特產，當然要叫返個試試，草莓雪糕味道同脆米紅豆都好夾，黃豆粉蕨餅係全杯雪糕的主角，煙韌帶點黃豆香，增加層次感。秘製抹茶蕨餅有6粒，適合同朋友分享。淋上醬汁同黃豆粉調味，醬汁不愧係秘製，甜中帶咸，有種說不出的新鮮感，加上黃豆粉，味道就好似返咗去日本食甜品。焙茶芭菲的雪糕比想像中好食，焙茶口味比綠茶更濃，而且茶味更香，小丸子同啫喱等配料又增加左甜品的口感，仲有紅豆同cream，伴住雪糕食唔會悶。特製林屋抹茶餡蜜都算係必叫之選，因為內容豐富，一次過滿足幾個願望。雪糕，蕨餅，小丸子等一應俱全，雪糕質地似冰淇淋多過新地，如果中意軟身少少就建議叫芭菲仲未食夠喉可以叫野飲，抹茶紅豆白玉特飲又係豐富的選擇，抹茶沙冰配上勁多cream，紅豆蓉同白玉，大大杯，一路舀一路食，味道唔會過甜，沙冰涼透心，解渴之選。