金龍冰室 (Closed)

呢間餐廳好似都開左一排, 經過見到個餐牌幾吸引就入去試一試啦。一入到去見到藍白色嘅裝修同傢俬就覺得好舒服。餐牌有好多餐種選擇, 單單係常餐就已經佔左兩頁, 配多士仲可以自由揀唔同嘅口味, 其他配料都好多選擇, 唔似其他餐廳嘅常餐好多都規定左配料,唔可以轉其他。最後我就揀左沙嗲牛肉公仔麵配芝士腸同奶油多, 飲茶走。朋友都揀左同一個餐, 但配牛油多士同炒蛋白,飲熱華田。落單嘅時候, 姐姐明明問過我哋係咪兩個都要公仔麵, 但隔左一陣, 另一位侍應姐姐送嚟一碗炸菜肉絲米😯😯對完單先知原來之前個姐姐入錯單, 個侍應哥哥即時幫我哋轉返👍🏻👍🏻我哋本來以為跟餐係得半塊多士, 結果係一塊多士夾住上😮奶油同多士嘅比例啱啱好,又夠脆😋😋😋但一塊多士有啲多食唔晒, 可能半塊就啱啱好👍🏻朋友個炒蛋白同我哋預期炒滑蛋嘅質地都唔同, 係一大塊軟棉棉, 朋友形容食完有幸福嘅感覺😋輪到主菜,沙嗲牛肉真係好失望, 味太濃, 好咸, 再咬耐啲仲食到啲酸味, 似係醃過龍🙊值得一讚嘅係茶走, 茶味夠濃, 夠滑, 香, 甜度啱啱好👍🏻👍🏻😋或者下次食下午茶多士會好啲......