尚青商號 (Moved) New Location

今日女朋友買台灣嘢畀我食！🇹🇼滷肉🍖排骨飯（💵$81蚊）包裝紙好得意佢係一張紙然後透過剪紙做到好似一個袋咁，幾有心思。飯嘅配料都幾多，有滷排骨、滷肉、醃蘿蔔、鹹菜、雞蛋同木耳。滷肉飯既調味偏鹹甜，滷肉肥瘦比例好均勻，加上有榨菜🥬可以中和滷肉既鹹味，令整個菜式既口感更加均衡，而且鹹菜既爽脆口感都好啱呢道菜✨排骨🐷既粉有啲厚，肉質略為柴口，質素比較普通。總括而言，依個🇹🇼滷肉🍖排骨飯不過不失，冇乜突出嘅地方，價錢略貴。不過配菜嘅種類都算多。最令我印象深刻嘅係佢嘅包裝紙🤣不過睇樓下評論，發現舖頭嘅裝修都唔錯😍雖然今次食佢嘅外賣，但都會想試下堂食。