來來小吃店

Open Now

Now Closed

食完飯又覺得個胃仲有位，咁岩經過西灣河，就前往太安樓碰下運氣，睇下呢間去咗幾次都撞正冇開既來來小食店有冇開啦！點知真係有開，人龍都唔算太長，有6,7個人排緊隊落單。呢間小食店係出名食芋圓冰既，但都見有好多人買咗佢既黑糖珍珠鮮奶飲，望落又同最近好紅既老虎堂一樣，所以除咗五味冰，我都買咗杯黎飲下五味冰有好多配料揀下，我揀咗芋圓、地瓜、芋頭、粉粿、紅豆，呢度就40蚊。煉奶就加多2蚊，因為我唔知本身個冰會落咗黑糖所以都加咗，結果有d太甜(只是本人不太吃甜)。芋頭好林好好食，蕃薯都煮到岩岩好，唔會一pat野，紅豆配煉奶冰一流可惜主角芋圓真係好普通，只係有一粒紫色大粒啲，味道就同一般雪藏芋圓冇分別。。粉粿就第一次食，不是我的菜~ 至於黑糖珍珠鮮奶，佢寫明’固定甜’，即係冇得較甜度。但連飲開甜野既友人都覺得好甜，我更係覺得甜得誇張。。如果冇咁甜，應該好好飲。