愛點心 (Closed)

來到這間新開張不夠的店舖，一眼看去是主打上海生煎包，煎餅系列的食品。但原來都加入了北京和台灣的元素。開業之後試了他們的招牌菜煎包煎餅，生煎包又熱又多汁，一咬落口噴埋落件衫度（$26/4件）牛肉煎包（$12）特別在於佢個味道似酒樓飲茶入面嘅山竹牛肉！味道好特別好有新意！韮菜包（$12）除左有勁多韮菜餡之外仲見到蝦米仔，個味無想像中咁單調。最近更試了粢飯豆漿，酸辣湯！在店裡見到粢飯大大個跟豆漿（$20），價錢公道。粢飯的糯米飯軟軟糯糯，咬落口唔會只得飯沒有餸，一條一條炸菜，大大舊油炸鬼，同肉鬆都好好味！豆漿好濃豆味，買完老板都有提醒我要搞搞個底先飲因為係新鮮煲起會有沉澱物，飲起來個口感有少少似紅綠豆沙嘅感覺，幾特別！但最令我激動的是他們的酸辣湯（$20）好夠辣！！個人認為可以再酸啲！佢個湯係用杯裝的，一開始以為咁細杯應該無乜料，但打開嘅時候見到啲木耳，豆腐密密麻麻喺入面，仲有豬紅！呢個配角啱晒中意食辣嘅人試試，辣得好爽！