Video
Read full review
2016-05-09
1479 views
蘭桂芳一個少少既地方，酒吧食肆林立，但係小弟就好少去果邊。今次相約家人到蘭桂芳開飯，家人揀左呢間食評不俗既酒吧。一入去就已經好有酒吧氣氛，呢間吧食海鮮都好似幾有名，經過吧枱，放滿左海鮮，店內裝修不俗。酒吧黎講，餐牌選擇都唔少，有少食、頭盤、Main Course、Cocktail、甜品！不過對於我呢個甜品痴黎講，甜品選擇就唔多。佢地既Cocktail 都幾特別，我自己就叫左杯Three Grapes And a Cup (Grapes, White Wine, VSOP, Elderflower, ginger, Celery bitters)，叫得做Three Grapes，估佢無咁烈，應該有D提子汁甜甜地。點知就中左伏，係我地全枱三杯Cocktail 中最重酒既，White Wine 同VSOP，份量唔少，但係就好易入口，平時少於操練既我，飲左半杯就已經有少少醉意。 家人點既London Fogcutter，好唔好飲唔係重點，個杯同攞設夠晒過癮！ 我地頭盤主菜各點左少少每樣試D…Flatbread﹕咸咸香香，配上兩款醬，Sundried Tomato微甜微酸既幾醒胃。另一款係A
一入去就已經好有酒吧氣氛，呢間吧食海鮮都好似幾有名，經過吧枱，放滿左海鮮，店內裝修不俗。
酒吧黎講，餐牌選擇都唔少，有少食、頭盤、Main Course、Cocktail、甜品！不過對於我呢個甜品痴黎講，甜品選擇就唔多。
佢地既Cocktail 都幾特別，我自己就叫左杯Three Grapes And a Cup (Grapes, White Wine, VSOP, Elderflower, ginger, Celery bitters)，叫得做Three Grapes，估佢無咁烈，應該有D提子汁甜甜地。點知就中左伏，係我地全枱三杯Cocktail 中最重酒既，White Wine 同VSOP，份量唔少，但係就好易入口，平時少於操練既我，飲左半杯就已經有少少醉意。
Three Grapes And a Cup
55 views
1 likes
0 comments
London Fogcutter
41 views
0 likes
0 comments
Flatbread﹕咸咸香香，配上兩款醬，Sundried Tomato微甜微酸既幾醒胃。另一款係Avocado加Basil，配搭清新特別。
Flat Bread
38 views
0 likes
0 comments
唯一有少少可惜係個餅底唔夠香口，好似差左少少底火。
Portobello Carpaccio﹕呢個係香港比較少人做，佢張Portobello切得好薄片，中間有隻蛋黃，再有D shredded cheese係上面，加個汁。入口香甜都已經唔知係個汁甜定係個菇甜。
Root Beer Glazed Organic Beef Cheek ﹕Root Beer係我第一次接觸，個汁較出黎有D似蚊肉蚊到好濃既紅酒。呢個beef cheek好大件好厚，但係就好淋，淋既程度接近入口即化，但係你切既時候又唔會散開，兼且有少少類似牛展既筋腱係到，口感唔錯 。除左個Root Beer Glaze 特別，值得一提既就係佢地有個Truffled Polenta，同樣特別，又香Truffle 味，個Polenta 唔係一舊舊，好似薯蓉咁樣，都係第一次咁食法！
Whole Grilled Market Fish﹕上桌已經覺得條魚好面善，原來係屋企間唔中食既馬友，其實唔係好Grill，佢地用鹽調味，本身馬友就好滑既多油魚，本身新鮮的話，都無得輸。不過呢個唔係重點，重點係起左骨，再還原番個魚樣比你 ，我地食食下先留意到，啖啖肉，好味，岩晒我太太呢d 怕魚骨既人。佢上魚有個Avocado 醬，唔係好夾，但就有少少好似模仿中式蒸魚既蔥。
Whole Grilled Market Fish
40 views
0 likes
0 comments
服務方面，待應都好殷勤，每食完一轉食物，都換一套餐具，有Fine Dinning 既感覺。店內有情調有設計、地方大、坐得舒服，最欣賞係個Washroom………而且係老蘭呢區既吧…全吧係ABC同OL落腳地…女士出沒！
佢地D Course全部有recommend 既wine 去 pairing，非常細心。而且有D Dish都有酒既成份，絕對岩晒一眾鐘意邊飲酒、邊食美食、邊吹水既朋友！
Post
