Cafe Siam (The Plaza ) (Closed)

同同事係蘭桂坊happy hour完，於是附近搵搵有咩好食。見到the plaze樓上有間cafe siam，我呢啲泰迷即刻勁雀躍！上到去已經爆晒場，環境唔錯幾有情調，所以見到都幾多情侶光顧~望望餐牌，原來而家餐廳仲做緊週年慶，十蚊咖喱！！抵到爆炸，同事都忍唔住再三confirm係咪真係十蚊😂😂泰國小食併盤都幾多嘢食，而且味道香口，值得一讚嘅係炸春卷，炸到好脆而且足料，口感好豐富炭燒豬頸肉唔似得一般其他泰式餐廳咁以焗代替燒，啲皮燒得好脆好香口，而且特配嘅醬料亦酸酸辣辣好開胃！椰子焗飯係超水準之作！未放到入口已經聞到勁大陣嘅椰香！！飯粒軟綿，加埋腰果，仲有足料嘅椰肉、提子乾，多重口感！😋比平時食開的明顯出色😍😍黃咖喱味道未算辣，甚至少少偏甜，但以10蚊嘅價錢黎真係超優惠！後尾同事用嚟伴椰子飯原來味道更香~價錢中上唔算貴，我地三個食左600蚊左右，中環嚟講性價比都幾高，不過如果服務員可以再主動一啲會更好。