DW Lounge (Closed)

因係太子上堂，所以係附近搵食。同男朋友諗住行去深水埗，俾我地見到呢間酒吧。睇到佢啲menu又幾吸引，燈光又幾浪漫下，所以就決定入去試下。男朋友想食炸雞，點左韓式醬油炸雞腿離遠都聞到好香，雞腿炸得好靚，size不大，但件數都幾多，咸甜適中，如果鐘意飲啤酒既人，配埋一齊食，一流！日式炒雜菜出親街食飯都食肉多，見到呢度有炒菜，所以叫左。以為佢係普通椰菜加啲菇，點知有3色椒，炒得岩岩好，帶點脆！我好快就KO左佢。蒜香肉粒炒長通粉平時見到有乾炒義大利麵粉都會叫，所以叫呢個炒長通粉都唔例外。以為佢會辣，點知又唔會，啲肉碎仲幾野味，長通粉口感QQ，我好鐘意。如果蒜味重啲就更好啦！忌廉汁大蝦三文魚意大利飯配巴馬臣芝士一放上檯，就聞到好香既奶味，賣相仲好吸引，份量都幾多。初時以為係新鮮已煮熟既三文魚，但原來係煙三文魚，味道偏咸左啲，而大蝦夠新鮮，食到好彈牙。意大利飯煮得軟硬適中，忌廉汁都好夠，食完唔會膩，好欣賞！呢度坐得幾舒服，個位又夠大。下次一大班朋友gathering應該會再來呢一度！而且呢度仲有飛鏢可以玩！