Video
Read full review
2018-06-23
900 views
假如人生有一百歲命，今年已經25歲嘅我，就已經走過左人生嘅¼；係呢¼嘅人生裏面，我到底有啲乜嘢成就？而我喺未來嘅¾人生裏面，我到底想成就到啲乜嘢？呢個問題，係我最近不斷反覆思考......大雨到天文台掛起左黃色暴雨，因為有要事外出嘅關係，所以都被迫外出。大約下午兩點左右，順利喺滂沱大雨之下完成工作，而我同媽媽亦都幸運地冇點樣濕晒不過經過一輪同暴風雨作戰，我已經進入飢餓嘅狀態。喺西洋菜北街做完嘢，諗住穿翻過地鐵站嗰邊食晏，偶然嘅情況之下，就見到呢間裝修同左右兩旁嘅酒吧格格不入嘅咖啡館。睇咗門口嘅餐牌覺得唔錯，已經再冇思考咁行左入去...早幾篇文章提到「夢想」呢個問題。唔知點解每次去呢啲小型嘅咖啡館都會令我思考下人生，可能因為自己嘅其中一個夢想係想開一間屬於自己嘅咖啡館！入到鋪頭已經係兩點幾嘅事，但係鋪頭依然好多客人喺度用緊餐。鋪頭入面嘅裝修同門面嘅感覺都係一致，感覺好似置身花園仔天花擺咗啲花草嘅裝飾，用咗木嘅枱櫈而部份嘅微細位都加插左小花園嘅元素唔知道店主係咪由細都希望擁有一間休閑小花園咁樣嘅Cafe，如果夢想變成現實，呢樣其實絕對係一件值得鼓舞嘅事！午餐Menu係由中午12點供應到下晝
係呢¼嘅人生裏面，我到底有啲乜嘢成就？
而我喺未來嘅¾人生裏面，我到底想成就到啲乜嘢？
呢個問題，係我最近不斷反覆思考......
大雨到天文台掛起左黃色暴雨，因為有要事外出嘅關係，所以都被迫外出。
大約下午兩點左右，順利喺滂沱大雨之下完成工作，而我同媽媽亦都幸運地冇點樣濕晒
不過經過一輪同暴風雨作戰，我已經進入飢餓嘅狀態。
喺西洋菜北街做完嘢，諗住穿翻過地鐵站嗰邊食晏，偶然嘅情況之下，就見到呢間裝修同左右兩旁嘅酒吧格格不入嘅咖啡館。
睇咗門口嘅餐牌覺得唔錯，已經再冇思考咁行左入去...早幾篇文章提到「夢想」呢個問題。
唔知點解每次去呢啲小型嘅咖啡館都會令我思考下人生，可能因為自己嘅其中一個夢想係想開一間屬於自己嘅咖啡館！
入到鋪頭已經係兩點幾嘅事，但係鋪頭依然好多客人喺度用緊餐。
鋪頭入面嘅裝修同門面嘅感覺都係一致，感覺好似置身花園仔
天花擺咗啲花草嘅裝飾，用咗木嘅枱櫈
而部份嘅微細位都加插左小花園嘅元素
唔知道店主係咪由細都希望擁有一間休閑小花園咁樣嘅Cafe，如果夢想變成現實，呢樣其實絕對係一件值得鼓舞嘅事！午餐Menu係由中午12點供應到下晝五點，睇到即刻覺得好開心，因為點午餐Menu嘅優點係既唔使諗食乜嘢，又可以以優惠啲嘅價錢享用到！
另外佢原來都有其他小食或者飯意粉單點供應
我哋最後點左午餐B-軟殼蟹黑松露意大利粉(跟餐包餐湯)、小食拼盤、單點多一個是日餐湯，同埋凱撒沙律伴燒薯粒。自己開屬於自己嘅咖啡店，另外一樣好玩嘅地方就係可以將自己對食物嘅理念放入餐廳餐牌之中！
「夢想」可以超現實浮誇，亦都可以踏實。
選擇前者就要冒得上風險，但選擇後者，都唔代表你會好輕易成功；
置身香港呢個城市，現今嘅年青人真係進退兩難......
是日餐湯-粟米忌廉湯伴薄餅多士 $38
是日餐湯
$36
11 views
0 likes
0 comments
忌廉奶香味唔濃，反而粟米湯味比較重，好似有啲黑胡椒粒，所以個湯有少少辣味；
隨湯附送嘅薄餅多士比坊間嘅麵包有誠意，唔係普通餐包比件牛油你，亦都唔係麵包條，而係一個麵包上仲有其他配料好似Pizza仔咁，烘到麵包底脆而香口！
我覺得香港嘅「良心餐廳」其實唔多，唔係要求用上好昂貴嘅食材，都唔係要求好似明哥派飯，大送特送；
係我嘅立場，只係希望餐廳能夠做到用心製造食物，以心待客，食物嘅味道已經係其次
可惜香港嘅生活水平，地價物價等等，都令唔少人蒙上雙眼，工作只為兩餐
「夢想」只是從前幼稚園開始老師教授的一個詞語......
凱撒沙律伴烤薯粒 $88
凱薩沙律＋薯粒
$88
7 views
0 likes
0 comments
呢個凱撒沙律嘅羅馬生菜新鮮清爽，香甜可口；
佢個凱撒沙律汁係有少少嘅鹹味，應該就係傳統凱撒沙律汁要落一種魚而製成。
凱撒沙律仲放左脆煙肉粒同埋麵包粒，為清爽嘅菜增加脆卜卜口感。
最好嘅係客人可以加＄10要唔同嘅配料添加，我揀咗烤薯仔粒。
起初我以為薯仔粒係1cm ×1 cm咁，點知佢啲薯仔有¼個新薯咁大，而且仲要唔係得一件，都有六七件!
薯仔焗得外脆內軟，唔油都唔咸；
加咗薯仔嘅凱撒沙律，外觀吸引又飽肚！
軟殼蟹黑松露意大利粉 $88
黑松露軟殻蟹意大利粉
$88
11 views
0 likes
0 comments
軟殼蟹雖然唔可以話大隻多肉，但係炸得啱啱好，唔會過燶同埋過油，咬落香口，都仲有啲蟹膏喺度。
意粉質地彈牙，個汁更加值得一讚！香濃濃稠之餘黑松露味超突出，但又唔浮誇，黑松露汁依附喺每條意粉嘅麵條上，淡淡菌香；
裏面仲有啲洋蔥絲同埋菇菌片，毫不單調
小食拼盤 $138
小食拼盤
$138
13 views
0 likes
0 comments
呢個價錢起初我哋以為只係每款得好少，點知上到枱就有少少心知不妙，得我同媽媽點樣食得晒咁多...價錢只係$138！
如果大班朋友嚟食飯，強烈建議叫呢個開心share！
BBQ汁雞翼其實似水牛雞翼，雞翼炸得外脆，裏面依然保持肉汁同埋嫩滑，BBQ汁有少少辣辣地；
芝士蔥餅其實係兩塊墨西哥餅中間夾住車打芝士，食落好飽肚，但係唔會滯，點中間附送嘅千島醬汁就更加好味開胃坊間好多地方都用番薯代替薯仔去做薯條，呢度都唔例外，而且呢度嘅番薯條好長好大條，番薯本身都比薯仔甜，唔使點任何嘅醬汁都會食到停唔到口！
芝士條都有四條
超誇張拉得出絲，佢唔算流心芝士，口感比較似韓國年糕，有啲煙煙軔軔，芝士味都唔濃，可能呢個係芝士嘅品種唔同，不過食落個口感都幾得意，外面脆卜卜
每餐咖啡館嘅用膳都令我有所得着，有所反思。喺香港要闖出一番事業，真係唔容易；
唔係話想名成利就，只係想達成理想，開一間屬於自己嘅餐廳也好，小店也好，不過我諗係香港最難放棄嘅就係穩定嘅事業，而去博取一個未來。
當然明白，凡事都有機會成本
飲住杯熱朱古力，比自己一個愉快嘅下午，香港人其實需要放鬆下。
朱古力
$21
12 views
0 likes
0 comments
入口極濃郁，係覺得有少少甜，不過好香滑。
到底自己願意為咗自己嘅夢想而放棄幾多？
好多人不停喺度羨慕人哋所擁有嘅成就或者生活，但係冇諗過自己又可以放棄啲乜嘢
食完飯，望出窗外面，雨亦都停咗；
離開餐廳，彷彿就由一個小花園，走入返繁榮嘅城市。。。。。。
路係要自己行出嚟，夢想到底能唔能夠同現實畫上等號？
就要視乎你願意放棄幾多，同埋如何計劃。
Other Info. :
lunch價錢比較相宜，lunch set 1200-1700
(The above review is the personal opinion of a user which does not represent OpenRice's point of view.)
Post
