Video
Read full review
2024-07-05
81 views
太子酒吧林立，但係呢間特別人氣高企，係因為佢唔單只係一間酒吧，仲係一間西班牙餐廳。近排歐國盃熱潮，唔少人都會去酒吧睇波，呢度都掛曬唔同國家隊國旗，好有氣氛 🇬🇧。食物方面令我非常有驚喜，唔單止味道出色，價錢相宜，而且仲整色整水打卡度十足 👏🏻。鵝肝多士（$84）、芝士窩蛋焗西班牙蕃茄肉丸（$85）蕃茄肉丸份量勁大，$85一道前菜但份量就主菜咁大份，有唔少蕃茄肉，蕃茄味濃，肉丸大大粒兩個人食完都飽左一半 🍅 。🦞麻辣龍蝦汁鮑魚海鮮飯（$145）店員會係你面前，倒上龍蝦汁，再喺熱辣辣嘅石鍋入邊拌勻，第一啖飯已經有驚喜，有好濃嘅花椒味，個飯無咩辣味但就川味十足，海鮮亦都有好多，連平時唔太食飯嘅我都忍唔住食咗好多。🦆 法式香檳芥末鴨（$206）一上枱就點火，打卡度 x 100000%，我忍唔住大嘩左一聲 🤣 大家記住要相機食先，鴨已經煮到離曬骨，有好多鴨肉，襯白飯食會好夾，因為味道都幾惹味又多汁
。
近排歐國盃熱潮，唔少人都會去酒吧睇波，呢度都掛曬唔同國家隊國旗，好有氣氛 🇬🇧
。
食物方面令我非常有驚喜，唔單止味道出色，價錢相宜，而且仲整色整水打卡度十足 👏🏻
。
鵝肝多士（$84）、芝士窩蛋焗西班牙蕃茄肉丸（$85）
蕃茄肉丸份量勁大，$85一道前菜但份量就主菜咁大份，有唔少蕃茄肉，蕃茄味濃，肉丸大大粒兩個人食完都飽左一半 🍅
。
🦞麻辣龍蝦汁鮑魚海鮮飯（$145）
店員會係你面前，倒上龍蝦汁，再喺熱辣辣嘅石鍋入邊拌勻，第一啖飯已經有驚喜，有好濃嘅花椒味，個飯無咩辣味但就川味十足，海鮮亦都有好多，連平時唔太食飯嘅我都忍唔住食咗好多
。
🦆 法式香檳芥末鴨（$206）
一上枱就點火，打卡度 x 100000%，我忍唔住大嘩左一聲 🤣 大家記住要相機食先，鴨已經煮到離曬骨，有好多鴨肉，襯白飯食會好夾，因為味道都幾惹味又多汁
Post
