Video
Read full review
2016-07-26
382 views
搵朋友吹水，最好既地方就係酒吧，飲下酒食下串燒，氣氛夠晒輕鬆。天后新開左間「Drunkerland」，一於黎試下。呢度有接近40款串燒選擇，價錢由$20至$68不等，以小弟愚見，最正係牛舌同和牛，肉質軟嫰有油香，黑椒調味夠香口；另外燒鱔都唔錯，魚皮煙靭，魚肉爽口。齋食串燒唔夠飽，小二，再黎幾個主食！雞中翼($68)有幾個味道選擇：BBQ、蒜蓉牛油、蜜糖，我地揀左前者，酸酸辣辣，非常醒胃！港式炸豬手($198)，呢個得，豬手皮已經炸到脆晒，皮下有肥膏好黏嘴，正！肉質嫰滑，唔會趙到牙軟，必點。打邊爐食響鈴唔出奇，估唔到連酒吧都有得食，仲要係西式食法！呢個響鈴拎黎時剛炸好，熱辣辣，脆卜卜，旁邊有個肉汁sauce，點埋黎食簡直係絕配，好有新鮮感，勁like！鹽燒原條馬友魚 ($158) 係呢度既招牌菜，魚皮燒得微焦，魚肉嫰滑唔腥，加少少檸檬汁調味，又係另一佳作。大食朋友點多個Carbonara ($98)，我平時唔多食，怕奶味；但呢個都唔錯，幾多煙肉，足料好味。黎到酒吧，點可以唔介紹啤酒？我唔太飲得，所以主要揀左甜甜地既女仔酒。Damm Lemon 6-4，清新既檸檬味，有少少似Jolly S
呢度有接近40款串燒選擇，價錢由$20至$68不等，以小弟愚見，最正係牛舌同和牛，肉質軟嫰有油香，黑椒調味夠香口；另外燒鱔都唔錯，魚皮煙靭，魚肉爽口。齋食串燒唔夠飽，小二，再黎幾個主食！
雞中翼($68)有幾個味道選擇：BBQ、蒜蓉牛油、蜜糖，我地揀左前者，酸酸辣辣，非常醒胃！
港式炸豬手($198)，呢個得，豬手皮已經炸到脆晒，皮下有肥膏好黏嘴，正！肉質嫰滑，唔會趙到牙軟，必點。
打邊爐食響鈴唔出奇，估唔到連酒吧都有得食，仲要係西式食法！呢個響鈴拎黎時剛炸好，熱辣辣，脆卜卜，旁邊有個肉汁sauce，點埋黎食簡直係絕配，好有新鮮感，勁like！
鹽燒原條馬友魚 ($158) 係呢度既招牌菜，魚皮燒得微焦，魚肉嫰滑唔腥，加少少檸檬汁調味，又係另一佳作。
大食朋友點多個Carbonara ($98)，我平時唔多食，怕奶味；但呢個都唔錯，幾多煙肉，足料好味。黎到酒吧，點可以唔介紹啤酒？我唔太飲得，所以主要揀左甜甜地既女仔酒。
Damm Lemon 6-4，清新既檸檬味，有少少似Jolly Shandy，但無咁甜，酸味重一D，唔錯。
Hoegaarden愈出愈多味道，或者大家都試過Rosee，而呢度既選擇就更多，例如圖中呢個就係西柚橙，好香果汁味，食下講下，話咁快就飲左一支。Post
