芝加哥串燒 (美豐花園) (Closed)

好耐冇黎大埔探朋友，順便約佢去酒吧吹水飲嘢，佢帶我嚟到呢間小型酒吧，因為佢話啲小食質素唔錯價錢又唔貴。鋪面唔算好大約10幾個座位，吧枱吧等設計，坐一陣聽吓歌望住小巷，都唔錯。德國黑啤豬手配時菜，已切件上嘅豬手食起上嚟呢隻方便，豬手皮脆，有淡淡的啤酒味，加薄荷醬食更佳。真正厚切牛舌，煮得好淋，咬落去軟綿綿啖啖肉，有牛肉味。黑松露燒珍寶帶子串，黑松露嘅香氣令到帶子嘅鮮味更突出，珍寶帶子肉厚新鮮。蒲燒鰻魚串係我最鍾意日式小食之一，味道唔會好濃好鹹，都唔錯。紐西蘭羊架都係$36，性價比高，半肥瘦羊架，羊脂肪好香，好有口感。來得酒吧梗係要飲啲啤酒 或sider ，一路傾偈一路飲酒零瀉開心。