Video
Read full review
2019-06-20
174 views
位於中環既呢間酒吧，非常近地鐵站，位置方便地方又大，仲有露天位置！串燒既位置獨立分開，仲會見到專人燒烤非常專業！酒吧特色係用備長炭燒串燒，備長炭一點燃可維持長時間，火力強而猛烈！燒鱈魚乾 $32一流既鱈魚乾，非常脆身，薄薄一塊用力就碎！魚味香又唔腥！一流！特選厚切牛舌串 $48相當有厚度既牛舌，牛味十足，唔會燒到乾曬好韌，好似同隻牛打車輪咁，非常推薦！手工芝士明太子燒雞翼 $42拆左骨既雞中翼，有成塊芝士係面頭，用火炙燒過，賣相非常吸引！一咬就勁多明太子爆出黎，雞翼入面塞到爆既明太子唔會腥，而且非常有口感，配上芝士既味道簡直一流！雞翼手羽先串燒$36外層燒得香脆，切半既雞翼就算連骨都食得非常方便，調味足食落嫩口～雞胸軟骨串燒$30有別一般傳統的雞軟骨，雞胸軟骨連雞胸肉較多，食落爽脆又唔硬，除左軟骨仲有頗多的肉，有口感得黎又唔會無肉食！羊架串燒 $59羊架食落羊味十足，肉質鮮嫩多汁，燒得剛剛好七八成熟，唔會韌！燒芝士年糕 $28年糕軟熟稔身，外面的糯米燒得脆皮，芝士又夠，上面仲灑左少少海苔粉，增添風味！馳名印式炭烤雞件 $118估唔到會有印度風味既烤雞，雞件大份，調味醬有點薄荷味，檸檬味
串燒既位置獨立分開，仲會見到專人燒烤非常專業！
酒吧特色係用備長炭燒串燒，備長炭一點燃可維持長時間，火力強而猛烈！
燒鱈魚乾 $32
一流既鱈魚乾，非常脆身，薄薄一塊用力就碎！魚味香又唔腥！一流！
特選厚切牛舌串 $48
相當有厚度既牛舌，牛味十足，唔會燒到乾曬好韌，好似同隻牛打車輪咁，非常推薦！
手工芝士明太子燒雞翼 $42
拆左骨既雞中翼，有成塊芝士係面頭，用火炙燒過，賣相非常吸引！一咬就勁多明太子爆出黎，雞翼入面塞到爆既明太子唔會腥，而且非常有口感，配上芝士既味道簡直一流！
雞翼手羽先串燒$36
外層燒得香脆，切半既雞翼就算連骨都食得非常方便，調味足食落嫩口～
雞胸軟骨串燒$30
有別一般傳統的雞軟骨，雞胸軟骨連雞胸肉較多，食落爽脆又唔硬，除左軟骨仲有頗多的肉，有口感得黎又唔會無肉食！
羊架串燒 $59
羊架食落羊味十足，肉質鮮嫩多汁，燒得剛剛好七八成熟，唔會韌！
燒芝士年糕 $28
年糕軟熟稔身，外面的糯米燒得脆皮，芝士又夠，上面仲灑左少少海苔粉，增添風味！
馳名印式炭烤雞件 $118
估唔到會有印度風味既烤雞，雞件大份，調味醬有點薄荷味，檸檬味混上香草忌廉，味道獨特新鮮。
蒜片欖油蝦$88
估唔到呢款菜式竟然係辣的，而且辣味亦不少！喜歡食辣的人應該會非常喜歡！辣得黎非常香口，蝦亦非常彈牙，惹味十足！
Overtimed Lunch Menu 沙律&餐湯
沙律新鮮，味道獨特，有別於一般沙律！
餐湯亦非常新穎，用多種蔬菜打成既濃湯，清新口味，有種印度湯的感覺。
Overtimed Lunch Menu-
炭燒天多尼式澳州120日穀飼黑安格斯肉眼（8oz）配薯條及雜菜 $168
天多尼係印度北部料理既烹飪方法，以各式香料同乳酪醃製，燒完後肉色帶焦紅。
牛扒簡左3成熟，肉質鮮嫩，外層烤得香噴噴，香氣四溢，非常香口！
薯條新鮮製造，表層沾滿了調味粉，味道非常足夠，連茄汁都唔洗沾。炸到脆卜卜既薯條真係一流既伴碟！
呢間酒吧意想不到地有咁多印度菜，食物質素非常高，串燒更令我大開眼界，無論日頭定夜晚都岩既酒吧，一定會再黎！
Post
