我愛慢煮 (孖沙街) (Closed)

一入到間餐廳就覺得好有feel，坐近門口位會響霓虹燈映照之下食野，感覺好岩同三五知己一邊吹水一邊飲野。由於去既時侯已經好晏，所以淨係叫主食，但見佢有好多唔同既手工啤，其實都好想試下。荔枝特飲個造型幾靚，仲有大大粒荔枝食。飲落都有荔枝味，幾特別，飲落幾開心，又有𡁻口，但記得要攪勻先飲。不過個人比較偏好淡d既野飲，呢杯對我黎講微微偏甜。呢個芝士溫泉蛋大啡菇十分推薦。芝士下面有溫泉蛋，一切開蛋漿爆出，大啡菇本身都好juicy，沾埋蛋漿食就更顯多汁。微微烤過既芝士好好味，記得趁熱食最好食。睇落簡單既大啡菇，但都見到佢既心思。芝士忌廉菠菜苗會令人想叫完又叫。菠菜苗嫩口，芝士忌廉好神奇地一d都唔膩，食落會覺得好滑，簡直係一種享受。份量唔多，絕對可以叫多份，不過呢間鋪都有其他菜式都好吸引，令人每樣都想試下。第一次食慢煮野，見到羊胺膝肉質好軟腍，肉汁亦鎖響入面，一上菜既時候都忍唔住讚下佢。不過食食下好似隱約有點苦味，不過朋友覺得冇咩野，幾好食。佢話有可能係羊騷味，可能我食唔慣羊，下次會揀番牛食。本身想食紅酒梨做甜品，好似比較常見d，可惜個時賣哂。於是試左白酒菠蘿配雪糕。好慶幸食左呢個甜品，白酒味道好香