Shining Restaurant & Lounge (Closed)

Zing樓上有唔少餐廳，喺呢頭返工嘅朋友食厭咗都可以試吓樓上舖，可能會有驚喜🤠今次就比我搵到一間酒吧，但係食潮州菜嘅特色餐廳。我諗應該係香港唯一一間潮州菜酒吧😂 經過店員介紹先知道原來餐廳係由米芝蓮名廚主理🤭難怪咁特別，咁新派。午餐套餐 （$58-68）定價喺銅鑼灣嚟講都算平，有主菜連老火湯同埋飲品。滷蛋鵝肉飯 $68鵝肉肥瘦均勻，充滿油脂香味，另一種食法配上醋點鵝肉，感覺開胃唔肥膩。店員亦都同我哋講咗餐廳既白滷水好著名，平時食普通滷水汁食得多，唔知白滷水有咩特別呢🤩招牌白滷水海鮮拼盤 細份$198包含新鮮鮑魚，海蝦，大蟶子，大墨魚。每款海鮮都有少少酒味，味道相配，唔會搶咗對方既味，反正令到海鮮鮮味更出。飽魚好爽口，墨魚唔會韌，海蝦好大隻。總體而言唔會係其他餐廳食到呢類食物，所以感覺幾新穎特別，而味道亦恰到好處，價錢合理。