長江海鮮酒家 (Closed)

呢間酒樓比較古怪，喺佢門口有一間叫簡單廚房嘅茶餐廳，再行入去先係酒樓嘅部份。睇佢嘅食評，無論食物質素定服務質素，都一直為人垢病。除咗酒樓同茶餐廳，呢間長江亦都有外賣自取嘅服務，無論炒粉麵飯，定晚飯小菜，都可以打定電話落嚟，叫咗之後落嚟拎，唔駛等咁耐。今日叫咗一個欖菜蓮藕炒爽肉，配埋一個例湯同埋一碗白飯，盛惠$48。講真呢個價錢，有酒樓煮出嚟啲餸仲連埋湯，都唔算貴。個餸其實好入味，但傳承一般酒樓嘅作風，味道係相對較濃小小的，蓮藕好爽口，爽肉夠入味，要挑剔嘅係佢比較油少少唔想煮飯嘅話，耐唔耐叫一次呢個小菜，其實都幾方便。