圃公館 (Closed)

呢間位於喺灣仔帝盛酒店入面嘅中菜館，望落門面光鮮，好似好高級咁。入到去反而似返啲普通嘅中式酒家，裝修比較舊，暗暗地。我哋六點左右就到咗，所以唔算好多人，但之後客人都慢慢開始多， 萬事大概都有六、七成滿。中菜館入面環境清靜，可以悠悠閒享受晚餐晚市供應小菜或火鍋，我哋兩個就揀選咗火鍋火鍋有唔同醬油配料揀，都算多。呢度既火鍋好特別，可以揀選一人一鍋。我哋想食唔同口味，所以叫咗每人一鍋。分別叫咗酸菜豬骨湯同埋冬陰功湯等咗一陣個鍋就已經上啦!冬陰公湯有啲驚喜， 細細鍋用料充足有蝦、青口，仲有菇。味道真係同出面泰式餐廳嘅冬陰功湯冇乜分別可以就咁飲。58蚊真係好抵! 酸菜豬骨鍋就比較普通， 有酸菜味但湯底比較淡，唔算稱得上好特別。兩個人嗌咗幾樣嘢，食物賣相都幾好。尤其是係牛頸脊手切牛頸脊(例牌)-以為好少，原來啲肉夾住咁擺，份量都好多！手切牛頸脊有牛，肥瘦分明， 食得出靚牛鳳城水餃(半打)-大大隻，入面啲蝦都幾新鮮炸魚角都唔錯，爽口彈牙淮山份量夠多，爽口反而墨魚丸就一般， 唔係好食嗰隻墨魚丸。酒樓打邊爐嘅質素都唔錯，但係價錢就偏貴。