百味村

Open Now

Now Closed

今日響嘉里開會。早左到又肚餓，咁就揾野食。雖然黃埔果頭好多野食。但話食個下午茶餐要行返出去又懶懶地。咁啱響酒店入面竟然有food court, 仲要價錢合理而且多選擇。有粉麵、有漢堡、有酒飲、有日式又有泰式。最終㨂左泰式拼盤。有春卷三條、蝦餅兩塊、炸雲吞兩粒、雞肉沙嗲兩串！汁果方面就有沙嗲汁同埋泰式醋。同醋點春卷同雲吞都ok, 但點蝦餅就好似爭小小。雖然大部份都係炸野，但就唔算係好油。呢度最大既問題就係去落柯打既時候，職員會問你坐邊，但係枱號並唔清晰，所以最終都係㨂左最近收銀位既位置。