意粉廚房

Open Now

Now Closed

有朋友介紹話尖少咀間「意粉廚房」環境唔錯，今日食晏諗唔到去邊，橫掂就腳就試一試。開頭諗住放飯時間要等位，點知唔使，心諗唔知會唔會中伏，但餐牌D set lunch菜式都合口胃，最後叫左個最穩陣嘅香草三文魚忌廉汁意粉，因為經驗話俾我聽，愈簡單嘅就愈考工夫，好似公仔麵咁，你好難整到唔好食，而如果工夫好，就有本事做到好味到爆。結果？都算喜出望外，首先講D意粉，軟硬適中，感覺唔似整左好耐，而且份量唔少，對於要食飽做野嘅人講，有可能連下午茶都慳番；個汁就比預期中好食，而且啱晒唔多鐘意濃味嘅我；但個主菜三文魚就真係普通喇，份量都OK，但味道唔能夠話特別好。不過，其實個餐嘅湯同餐飲都有酒店嘅水準，個人特別鐘意個湯。所以整體講，都有80分以上，值得下次搵D其他無咁穩陣嘅菜式試下。