Video
Read full review
2022-10-15
390 views
Rosewood既環境同服務完全無野可以批評，有幸安排到Balcony位置，坐低望住維港海景，位置一流。🍷🥴埋位坐低先叫左個Italian cold cut做Apprêtiez ($330)，無專業意見可言 🤣 風乾火腿咸香！🥓🥓🥓 好食！我地叫左三款Pizza，分別係：Mortadella ($98) — Pizza餡料有滿滿一層既Mortadella ham，鋪上Burrate cheese，面頭有啲烤果既開心果碎。我個覺得好有肉感，口感比較單一，有小小膩。自己一個食未必食得晒一整個，同朋友食就岩岩好啦。Guanciale ($98) — 強烈推薦！Pizza餡料有時令蘑菇、醃製豬頸肉同埋焦糖化嘅洋蔥。口感同味道都好豐富，好多層次！大力推薦！Porchetta ($98) — 本身對呢個好有期望，聽落個餡料好似吸引，有燒豬腩肉、空育黃金馬鈴薯（一種比較高澱粉質嘅薯仔，烤出來會脆卜卜）、Agerola cheese。點知出黎既係一種老火湯，猴頭菇嘅味道 🤣 我覺得係個Roast pork belly age左既味道。跟蔡瀾嘅推介叫左個燉牛肚試下。Trippa Piacentina (
埋位坐低先叫左個Italian cold cut做Apprêtiez ($330)，無專業意見可言 🤣 風乾火腿咸香！🥓🥓🥓 好食！
我地叫左三款Pizza，分別係：
Mortadella ($98) — Pizza餡料有滿滿一層既Mortadella ham，鋪上Burrate cheese，面頭有啲烤果既開心果碎。我個覺得好有肉感，口感比較單一，有小小膩。自己一個食未必食得晒一整個，同朋友食就岩岩好啦。
Guanciale ($98) — 強烈推薦！Pizza餡料有時令蘑菇、醃製豬頸肉同埋焦糖化嘅洋蔥。口感同味道都好豐富，好多層次！大力推薦！
Porchetta ($98) — 本身對呢個好有期望，聽落個餡料好似吸引，有燒豬腩肉、空育黃金馬鈴薯（一種比較高澱粉質嘅薯仔，烤出來會脆卜卜）、Agerola cheese。點知出黎既係一種老火湯，猴頭菇嘅味道 🤣 我覺得係個Roast pork belly age左既味道。
跟蔡瀾嘅推介叫左個燉牛肚試下。
Trippa Piacentina ($228) — 用蕃茄汁煮既金錢肚係好特別嘅，醬汁用黎沾Pizza個餅係一絕！未試過茄汁燉牛肚既可以一試。 😋
主菜除咗叫Pizza之外，仲試埋OpenRice人人大讚既Carbonara。
Rigatoni alla carbonara ($230) — 好正宗既意大利Carbonara，鍾意佢醬汁唔多，但條條管都好掛汁，最好味既係鋪面既炸煙肉，睇落好乾身，但係只要咀嚼豬肉嘅油脂味就會喺你嘅口腔裏面爆開，呢個炸煙肉真係有畫龍點睛既效果。 🤩
最尾仲叫左兩球Venchi雪糕做結尾，Venchi既開心果味雪糕，真係出類拔萃咁好味 🍨 為我今日既晚餐畫上完美嘅句號。
Post
