金御海鮮酒家 (皇后大道中)

Open Now

Now Closed

好耐冇嚟過食晏所以同朋友嚟食，佢早左到同我講已經嗌定野等我嚟食，諗住呀真係冇識錯呢個朋友。不過跟住坐低一望，當堂嚇咗一跳，以為自己去咗酒店。兩個人就不嬲坐喺電梯隔離，冬天一路吹住風食點心就預咗㗎啦，不過一籠蝦餃收$63，一碟牛河要$148，就真係未試過。諗住好啦來到坐低左冇得走就試吓啦。一試發現質素保持屋村酒樓水平，但係價錢就比多兩倍仲貴過酒店。我一路坐喺電梯隔離一路食住酒店價錢嘅點心，心諗呢一世應該都唔會再見到佢lu 另，買單先發現佢唔止加一，依家變咗加12%。真鬼馬。