Video
Read full review
2019-08-25
94 views
火鍋店喺酒店入面，環境非常乾淨企理。 餐牌就喺平板電腦入面。 12款固定配料及醬料，擺放整齊，酸甜苦辣齊晒。【椰皇燉雞湯$278】湯底都唔少選擇，價錢豐儉由人，我哋揀咗個中價嘅椰皇燉雞湯。 滾咗後打開蓋聞到陣陣椰香，店員用茶杯裝咗湯底我哋試吓。 甜甜椰子味+鮮味雞湯，濃度適中唔怕遮蓋食材味道。 燉出嚟嘅雞肉依然保持嫩滑，相當不錯。 除左雞翼部份，其他位置都去左皮，好細心。【皇帝菜$58】啱啱上枱嗰一剎以為店員擺個盆栽裝飾，原來係皇帝菜，好大盆，新鮮。【美國牛頸脊（大）$218】雪花分佈均勻，肉色鮮紅，淥一陣就食得，肉味好豐富。【SPF豚肉$138】SPF豚肉真係第一次聽，原來係Specific Pathogen Free無特定病源菌豚肉，係要認証㗎，食得放心。【四寶丸$98】有蝦丸、墨魚丸、陳皮鯪魚丸同黑松露豬肉丸。 全部丸都係手打嘅，陳皮鯪魚丸幾特別； 黑松露同豬肉丸又幾夾；蝦丸就蝦味濃。【堂弄唧蟹籽墨魚麵$98】都幾大包，墨魚麵爽彈。【響鈴卷$68】有十件響鈴卷，俾埋酸甜醬你，唔駛淥即食都得。 我就鍾意淥嚟食，放入湯底幾秒，索咗鮮甜椰香雞湯，半脆半腍就最好食。除咗食物，服務都係酒店
【椰皇燉雞湯$278】湯底都唔少選擇，價錢豐儉由人，我哋揀咗個中價嘅椰皇燉雞湯。 滾咗後打開蓋聞到陣陣椰香，店員用茶杯裝咗湯底我哋試吓。 甜甜椰子味+鮮味雞湯，濃度適中唔怕遮蓋食材味道。
燉出嚟嘅雞肉依然保持嫩滑，相當不錯。 除左雞翼部份，其他位置都去左皮，好細心。
【皇帝菜$58】啱啱上枱嗰一剎以為店員擺個盆栽裝飾，原來係皇帝菜，好大盆，新鮮。
【美國牛頸脊（大）$218】雪花分佈均勻，肉色鮮紅，淥一陣就食得，肉味好豐富。
【SPF豚肉$138】SPF豚肉真係第一次聽，原來係Specific Pathogen Free無特定病源菌豚肉，係要認証㗎，食得放心。
【四寶丸$98】有蝦丸、墨魚丸、陳皮鯪魚丸同黑松露豬肉丸。 全部丸都係手打嘅，陳皮鯪魚丸幾特別； 黑松露同豬肉丸又幾夾；蝦丸就蝦味濃。
【堂弄唧蟹籽墨魚麵$98】都幾大包，墨魚麵爽彈。
【響鈴卷$68】有十件響鈴卷，俾埋酸甜醬你，唔駛淥即食都得。 我就鍾意淥嚟食，放入湯底幾秒，索咗鮮甜椰香雞湯，半脆半腍就最好食。
除咗食物，服務都係酒店級，經常主動幫忙撇油、換碟，手腳俐落、有禮。
Post
