千賀水產の鮮鍋道場 (Closed)

家陣要食一餐火鍋都有好多選擇，唔只係火鍋咁單調有時仲會意想不到，就今次來觀塘廣場呢間火鍋店開飯一入去已被出面嘅酒店式自助美食區吸引注以為係度食自助餐，唔怪得好友到話要來品嚐下，火鍋湯底都有十多款選擇，點了呢款鮮味十足嘅波士頓龍蝦鍋做火鍋湯底，用來打邊爐係一流配搭各款美食陸續出來，先來有五品刺身盛合有多款刺身，當然唔少得肥美三文魚、爽彈肉質7吋大赤蝦、鮮甜十足象拔蚌等再來有海鮮盛盒鮑魚、大蚌、扇貝、鮮海蝦、海蜆、脆肉鯇魚腩，配上份量十足極上安格斯牛小排等埋湯底滾起就開始逐一享用，先飲啖鮮味香濃龍蝦湯底，放埋各款海鮮落鍋裏等一陣就食得，係呢個時候可以係自助區覓食一番，有壽司、沙律、冷盤、中式點心多款不同精美熟食同埋甜品雪糕，保證食得滿足，跟住食埋啖啖鮮甜多汁海鮮仲有我最鍾意牛小排，肉質香嫩又肥美口感十足另外有多款火鍋配料無限進加，係自助區又有丸類同蔬菜提供，又繼續慢慢品嚐各式美食最緊要係有6小時咁長時間任飲任食夠晒超值一餐酒店式火鍋放題。