Video
Read full review
2009-06-26
10 views
因為有朋友生日提議想食西餐, 所以就上左開飯網睇下港島區有咩好食而價錢又合理0既食肆啦.而我就見到呢度d 食評都算ok(0係舊店0既食評就當然更加好啦), 所以就推介左呢度俾d 壽星仔女啦. 點知食左”成肚氣”門面裝修- 地下大堂有獨立電梯上落, 門口裝修ok- reception 0既waitress 會用英文同客人打招呼(就算連電話訂位都係用英文0既)- 樓底夠高, 環境不錯, 有點酒店入面0既餐廳格局有可能係因為以上環境因素0既影響, 我起初覺得呢度d 食物應該唔會太差.但當大約7:45pm, 大部份人客入座後, 周圍環境係嘈吵都不得了, 好似去左茶餐廳咁, 我地傾計就好d 嗌交咁.(算吧, 本身之前都有人講過呢度比較嘈, 只不過冇諗過真係會咁姐)食物質素首先我地order 左6個main courses (全部轉set 加湯或者沙律), 再加左個海鮮pasta 同 鵝肝意大利飯 餐包: 唔熱, 而且比較硬餐湯: 普通沙律: 普通, 但賣相好差, 上碟果下0既感覺好似人地食剩之後再撈番埋一碟咁帕爾馬火腿凱撒沙律: 普通烤雞: 隻雞0既肉比較”鞋” 同乾, 冇肉味 --->
門面裝修
- 地下大堂有獨立電梯上落, 門口裝修ok
- reception 0既waitress 會用英文同客人打招呼(就算連電話訂位都係用英文0既)
- 樓底夠高, 環境不錯, 有點酒店入面0既餐廳格局
有可能係因為以上環境因素0既影響, 我起初覺得呢度d 食物應該唔會太差.
但當大約7:45pm, 大部份人客入座後, 周圍環境係嘈吵都不得了, 好似去左茶餐廳咁, 我地傾計就好d 嗌交咁.
(算吧, 本身之前都有人講過呢度比較嘈, 只不過冇諗過真係會咁姐)
食物質素
首先我地order 左6個main courses (全部轉set 加湯或者沙律), 再加左個海鮮pasta 同 鵝肝意大利飯
餐包: 唔熱, 而且比較硬
餐湯: 普通
沙律: 普通, 但賣相好差, 上碟果下0既感覺好似人地食剩之後再撈番埋一碟咁
帕爾馬火腿凱撒沙律: 普通
烤雞: 隻雞0既肉比較”鞋” 同乾, 冇肉味 ---> 食剩半隻
西冷牛: 味道不錯, 肉質嫩滑
烤豬仔骨: 肉質嫩滑, 但只吃到芥醬味道, 又係冇肉味 ---> 食剩半碟
煎魚: 半邊魚, 但冇咩肉, 而且條魚腥到爆, 我d 朋友一食落口就即刻吐出來(好似美女廚房果d 場面) ---> 冇食過
焗羊膝: 冇羊肉0既酥味, 普普通通0既一舊肉, 有可能平時我地煲湯0既瘦(豬)肉仲好味過呢舊肉---> 食剩半碟
海鮮pasta : 味道唔錯, 不過份量好少
鵝肝意大利飯: d 飯比較硬, 同平時食過0既意大利飯唔同, 唔知係咪未煮熟 --->食剩半碟
服務質素
首先講個男經理先, 我地order 食物0既時候d 語氣已經唔係太好, 我地問佢有咩pasta 好味, 叫佢suggest 下, 佢好似聽唔明咩叫pasta, 我地要用中文佢先至明. 之後到上餐湯同沙律0既時候, d waitress 又唔係跟住檯上0既餐具去上湯 (因為我地唔係個個都飲湯), 好似見有空位就放上檯. 另外, 當我地發現條魚好腥0既時間, 我地同個waitress 講, 點知佢同我地講”我地今晚幾檯人都有order 呢條魚, 佢地冇問題喎, 條魚腥係正常ga”我地都係想指出有問題姐, 又唔係想屈你叫你唔計錢, 咁我地話不如叫過另一樣啦, 我朋友就同果個waitress 講想order 墨魚意大利麵啦, 點知佢好不俏咁話”墨魚都腥架喎”嘩….有冇攪錯呀!! 連客都寸?? 就係因為佢咁0既態度, , 所以我地好興就索性叫佢cancell 番呢條魚. 後來再上其他main course 既時候, 我地都食唔出邊碟係羊 (因為冇羊味), 所以就搵個waitress 問下邊碟係羊啦, 點知佢竟然唔知, 仲要走去拎本menu 睇下就好求其答我地”呢碟係羊啦”, 個menu 入面都冇相0既, 佢點解要睇menu 之後就話果碟係呢? 定係其實佢唔知邊碟先至係, 求其見邊碟似樣就話係呢? 到最後, 我地覺得d 食物完全唔得, 咁打算叫埋杯餐飲之後再去食過, 咁我就叫左果個男經理, 問佢我地個set 係咪有餐飲啦, 點知佢答”你地加錢咪有餐飲囉, 加錢咪有甜品囉”, 佢d 語氣態度完全唔得!! 所以我地決定連餐飲甜品(出名0既心太軟都冇叫到) 都唔叫就埋單走人.
總結
新店環境實在太嘈，氣氛同情調都欠奉，待應經理唔夠專業有禮，我諗來呢度食甜品都仲可以囉, 但食飯就….請都唔食啦, 免得要受氣仲要食唔飽. 衰d 講句, 有可能我過對面大家樂仲分分鐘好食過呢度呀
Post