Video
Read full review
2023-04-17
65 views
今日放假，老公話不如去酒店食個lunch，去leisure一下。餐廳在酒店地下，河畔附近，感覺舒服。加上餐廳大，有室外同室外。室內係越式裝修，地方寬敞，天然光都夠晒光。帶寵物就可以坐室外，有狗狗陪住食飯都開心D啦。呢度好多嘢食揀，老公揀左泰式海南雞飯、越式燒魚、芒果糯米飯同兩杯泰式奶茶。泰式海南雞飯：海南雞每部分都有，有雞肶又有雞胸，口感都算滑。黃油飯份量都幾多，入口唔覺得太多油，乾身，老公滿意。越式燒魚：都算大條，裡面放左薑、蔥同香茅一齊燒。食落唔覺得魚肉太乾，皮燒得香脆，佢仲搽左薄薄一層蜜糖去燒，甜甜地，點埋旁邊個汁仲好食。芒果糯米飯：已切開一件件方便食，芒果甜甜地，糯米飯熱熱地，口感軟熟煙韌，好香椰汁味。泰式奶茶：賣相OK喎，個樽仔裝住雪凍左嘅奶茶，用黎打卡都唔錯。另外杯裡面嘅冰係用泰式茶製，就算冰溶晒，都唔會越飲越淡。奶味同樣重，甜度剛好。
餐廳在酒店地下，河畔附近，感覺舒服。加上餐廳大，有室外同室外。室內係越式裝修，地方寬敞，天然光都夠晒光。帶寵物就可以坐室外，有狗狗陪住食飯都開心D啦。
呢度好多嘢食揀，老公揀左泰式海南雞飯、越式燒魚、芒果糯米飯同兩杯泰式奶茶。
泰式海南雞飯：海南雞每部分都有，有雞肶又有雞胸，口感都算滑。黃油飯份量都幾多，入口唔覺得太多油，乾身，老公滿意。
越式燒魚：都算大條，裡面放左薑、蔥同香茅一齊燒。食落唔覺得魚肉太乾，皮燒得香脆，佢仲搽左薄薄一層蜜糖去燒，甜甜地，點埋旁邊個汁仲好食。
芒果糯米飯：已切開一件件方便食，芒果甜甜地，糯米飯熱熱地，口感軟熟煙韌，好香椰汁味。
泰式奶茶：賣相OK喎，個樽仔裝住雪凍左嘅奶茶，用黎打卡都唔錯。另外杯裡面嘅冰係用泰式茶製，就算冰溶晒，都唔會越飲越淡。奶味同樣重，甜度剛好。
Post
