鐵飯碗

Open Now

Now Closed

今晚想帶媽咪食餐好嘅，所以同咗佢去灣仔皇悅酒店入邊，揀咗一間中菜廳鐵飯碗，食物質素相當唔錯喎！首先，我哋叫咗兩盅湯，一盅係花膠燉雞湯非常鮮甜清味，媽咪好鍾意，另外叫咗一個白胡椒豬肚湯，顏色望落去非常入味，飲落好重胡椒味非常暖胃👍🏻👍🏻跟住我哋叫咗半份炭烤黑毛豬肋骨，呢個真係冇得頂，豬肋骨烤得非常惹味，再配上酸酸甜甜的醬汁，令到豬肋骨嘅層次昇華！跟住我哋點咗一個金不換洋蔥牛肉，牛肉炒得適中，不韌又味道好，配上洋蔥冇得頂！跟住我哋叫咗一個薑汁炒芥蘭，芥蘭炒得非常清甜，配上薑汁感覺清新又健康❤️最後點咗一個鮑魚雞肉粒燴飯，又有鮑魚，又有雞肉，將成個飯嘅鮮味提升，真係好開胃❤️👍🏻