Villa Villa (Closed)

朋友大角咀新居入伙，邀請我哋去佢屋企坐，本身諗住係屋企食，但係聽講大角咀好多好嘢食，咁就決定落樓下搵食啦。朋友話呢一間villa villa餐廳新開嘅，成日都坐滿人。既然係咁我哋就入去食下呢間意大利菜啦。入到去設計比較簡單好有空間感。待應非常之有禮貌，亦耐心等我哋揀菜式。我哋好肚餓，所以帶咗好多嘢食。自家製美國牛肉漢堡：賣相非常之吸引，又有沙律菜又有薯條，成盤都好豐富。牛肉漢堡非常之厚身，漢堡扒同埋番茄非常之juicy，唔會煎到乾爭爭。隻蛋切開仲係留心嘅添，非常之滿意。大阪燒薄餅：佢啲薄餅非常特別，全部都係用墨魚汁餅底，上面鋪滿芝士！我最鍾意佢落得好多木魚，加埋大阪燒嘅醬料，味道好濃郁。芝士同大阪醬夾雜喺口腔當中，簡直係極級享受。創作料理拼盤：整體上成個拼盤都非常之好味，個人特別喜歡吉列甘栗紫薯餅栗子同紫薯味道好夾，食落甜甜地又幾清新，最重要係個餅炸得唔油膩。另外仲非常之鍾意明太子蚧肉玉子，可能我特別鍾意食甜味，玉子嘅甜同埋蚧肉沙律撈埋一齊食好味到令人停唔到口。佢嘅味道非常之特別，仲好似食到有少少甜芥辣味道。明太子三文魚子手打意粉：醬汁既濃郁到剛剛好，唔會一大pat醬加落意粉嗰度，食得