會所1號 尖東薈 (Closed)

人生當中最難忘的時刻，莫過於就是婚禮，一個令人觸目傾心嘅婚禮更加係好多情侶夢寐以求嘅回憶，今次參與尖東婚宴場地嘅晚宴亦都令我有一個美好的回憶。入到去尖東薈第一個感覺真係好似去到酒店一樣，樓底非常高，加上白色而簡約嘅裝潢增添一份時尚感覺。就算場地內的Backdrop，枱櫈都有自家風格，真係啱哂有品味嘅情侶。鴻運脆皮乳豬乳豬上枱時微暖，對比酒樓每件的份量好似大一點，皮下脂肪亦相對較少啱哂注重健康嘅朋友。鮮蝦海皇卷海皇卷外裡金黃，加上沙律醬一齊食倍感滋味。海皇燴竹笙近年來很多婚宴都可以選擇唔食魚翅，而今次食呢個菜式雖然係竹笙，但味道方面真係唔會比魚翅差，而且佢份量十足，食完成個人都暖哂。蠔皇原隻鮑魚鮑魚火喉剛好煮得淋身，而且佢嘅鮑魚味好濃郁真係唔錯。除此之外亦有清蒸石斑魚，脆皮吊燒雞等等，整體味道都唔錯，個人就好鐘意佢個石斑魚，魚質嫩滑蒸得剛剛好，加埋蒸魚豉油真係一流。最後因為都食到有啲飽所以未試晒唔同菜式，但佢個伊面炒得都相當乾身，而甜品就鍾意食佢個泡芙，內裏加埋雪糕一齊食真係一個圓滿嘅句號。