金鷺湖

Open Now

Now Closed

曾經睇過YouTube 有人介紹呢間金鷺湖，呢度環境舒適，地方大，枱與枱之間有足夠空間，職員個個都很有禮貌，主動執枱。餐牌上只有十八款點心，另外都有炒粉麵。價錢方面唔算經濟，但係食物質素方面達到酒店級水準，絕對物有所值。當日叫咗八款點心，有玫瑰金蝦餃$78 （三件）、流心鵪鶉蛋燒賣（三件）$78、竹炭叉燒餐包（三件）$62、脆脆鮮蝦紅米腸$78 、鹹水角啤梨仔（三件）$58 、田園蘿蔔絲酥（三件）$78、酸菜鱈魚春卷$78 、雙色馬拉糕$58 。 鵪鶉蛋燒賣幾特別，要咬開先見到鵪鶉蛋，仲要係有流心效果。酸菜鱈魚春卷都比較罕見，幾好味。基本上所有點心都好有水準，賣相吸引。想體驗下值唔值得過嚟食，就要預先在網上訂位。