Amitie Kitchen (Moved) New Location

今晚與友人相約到尖沙咀晚飯，佢極力推介呢間由五星級酒店大廚主理既西餐私房菜餐廳，鐘意西餐既我地梗係要來試下啦！我地叫左個set dinner 再另外散叫，咁就可以試多d 唔同既野。雖然我地叫左1個set，但竟然上左2人份量既餐包，餐廳果然十分大方。木碟上有香噴噴既法式牛角包，熱辣辣既餐包同埋香草脆餅條，配上牛油同果醬後簡直不得了！個餐湯係龍蝦湯，龍蝦鮮味濃郁，未食主菜都已經滿足我地為食既味蕾。套餐頭盤仲有個香煎紅鯛魚田園沙律，魚有咬口配上柚子醋沙律十分醒神開胃。友人叫左個自家製美式黃金蟹餅，果然冇介紹錯，蟹肉新鮮再配上黃金咸蛋既味道，令人齒頰留香。另一個重頭戲主菜西班牙黑毛豬扒（8安士）5成熟，很少吃豬扒可以煮得這麼諗滑，同十分有豬味，相信只有黑毛豬同呢度既大廚可以做到！仲有另一個主菜烤燒大啡菇、焗釀北海道帶子、虎蝦意大利飯，大啡菇一向都是我的最愛，再現上煎得香噴噴的北海道帶子同虎蝦，呢個現搭十分新鮮，啡菇上既意大利飯亦都KO左我地兩個既肚皮。