Casa Luca (Closed)

好耐無過嚟九展，今日嚟呢頭做嘢，發覺原來呢度二樓多咗條食街，仲超多選擇，最後選擇呢間嘅原因係呢度嘅嘢食望落健康啲又大件啲！仲要有一大堆我最愛嘅三文治任揀！玩法係廚窗前選擇沙律，Second dish，主菜或潛艇堡，再加嘢飲俾錢，有啲似大學Canteen，但用料睇落就似酒店自助餐水準！其實呢度有三種餐適合唔同人士，細食嘅女士到大食嘅男士都可以滿足到。三文治都有唔到包類，其中一種比較特別嘅墨汁包配上吞拿魚，其餘仲有三文魚同雞肉，啲料都係多到滿瀉。同埋地方都幾闊落，幾適合附近寫字樓同事們一齊放Lunch食。